主页 > V艺生活 >(真人经历)清明节前十后十日,真系唔好去荒山野岭 >
(真人经历)清明节前十后十日,真系唔好去荒山野岭
(真人经历)清明节前十后十日,真系唔好去荒山野岭

话说我由细到大都间唔中会见到鬼 但系你话我有阴阳眼又唔算系 但一向听人讲见亲鬼都系好濛或者睇唔到眼耳口鼻唔知我偏偏次次见到都好清楚

话说前两年突然兴起去烧嘢食,去清水湾到烧,我唔记得系一滩定二滩有得烧拉(假设二滩有得烧)咁我地一行三人包括我,当时男朋友(豪仔),另外一个男姓朋友(伟仔)买完野食就出发去到清水湾,当时晚上8点左右,点知我地以为一滩有得烧于是行楼梯落左去,有去过既朋友都知,个沙滩夜晚系劲少灯,落到去一个人都无,但突然伟仔见到有个女人行过,佢想过去问下依个滩系咪都有得烧,于是佢用电筒一照,竟然无人,咁我地都不以为意,以为眼花好少事啦,搵多两搵无见到烧烤炉我地就决定上返去,伟仔行头,我系中间,我男朋友豪仔行最后,行行下我下意识望一望后面,即系望一望我男朋友,点知见到有个女人既人头系佢块面旁边,近乎面贴面,但面系望住我,用好恶既表情望住我,个一刻我惊到出唔到声,又唔敢讲,唯有叫佢地行快2步,终于由沙滩行到楼梯底,我已经好心急想上返去,但偏偏伟仔话食埋枝烟先上去,我依稀记得d老人家话见到都唔可以讲见到,

sponsored

(真人经历)清明节前十后十日,真系唔好去荒山野岭

如果唔系会跟住我地,咁我又谂唔到咩其他理由唔比佢地食埋先,于是就企繫到等佢地食,终于等到佢地食完,个几分钟就好似过左几个钟咁,我又惊但又想周围望,心情极度忐忑,跟住就行上去,次序又系同岩岩一样(伟仔—>我—>男朋友),行行下男朋友突然觉得脚好重好重,好似比人拉住又好似挷住左好重既野,条楼梯好短,但佢行到上去面青口唇白,又呆下呆下,整起条裤睇一睇只脚有五条红色痕.......

好彩我男朋友豪仔一向有带佛牌,但都唔知点解会掂到佢同可以咁接近佢,上到去坐左一阵面色开始好返小小,我地于是坐系路边等小巴去返二滩,谂返真系唔识死,一路坐系路边等左一阵都无车,个时已经成9点几,无聊望下后面见到有个白影飘过,依个系我唯一一次见到咁唔清楚,所以依个其实唔太惊,因为佢好快跑走左,又无望无理我地应该系路过,又或者系自己惊魂未定又眼花,到左一阵终于有的士,我地去到二滩要行一条好长好长既楼梯,由于我岩岩心有余悸所以叫伟仔自己落去睇下下面有无人一齐烧先敢落去,由于伟仔自己一个行我地担心佢有事所以比左个牌佢带,正常系唔可以,

sponsored

但系我地怕佢一个会比鬼搞,所以无办法之下就比佢带,伟仔落到去就打比我地话有人烧紧,于是我地都落埋去,落到去见到伟仔个样好恶又好獃,叫佢几次先应一声,但无咩奇怪既行径,我地都无理到,咁我地行到有人一齐烧既位开始起火,起左个火之后伟仔表情慢慢变返正常,我地问返伟仔,佢讲返比我地听佢一路行有条分叉路,有2股力量分别叫佢行唔同方向,后面好似有人推佢行右边,脑里面又有一股声音叫佢行左边,我地都唔清楚系牌帮紧佢定点,定佢屋企祖先提佢,左边系沙滩方向,而右边我地唔知系去边(有人话系行返去1滩,有人话行行下会无路)最后佢系行岩左既,好喇,讲返我地烧紧野食一直都相安无事(可能旁边烧紧既全男阳气重),重同旁边烧野食既交左朋友,一路到佢地走,我地都考虑紧走定唔走,但到最后因为好多野未烧所以无走到,但烧多左阵感觉到好寒,顶唔顺都决定,我地汁好晒所有野,熄左个火之后伟仔个表情就好似岩岩我地一落黎见到咁好恶,于是就拿拿临上返楼梯,二滩既楼梯系超级长,由于我心里面非常之不安,我一路行一路心谂打扰晒,我地走紧嫁喇,不停讲,又唔敢抬头怕见到d唔应该见到既野,一路行虽然惊但都无事发生,于是我抬头望下周围,突然间有一个黑影但我好清楚见到系一个男人好似沖埋黎咁,我左边系山右边系石,而个男人系由右边好快咁冲过黎,我吓一吓脚一软向左边跌,好彩有栏桿,如果唔系我应该死左,我无啦啦跌一跌我男朋友都吓亲问我咩事,我依然唔敢讲,冷静左一阵我继续行,一路行右边个背包带一直掉落黎,我都唔敢理亦都唔敢拉返上黎(可能我谂多左,但我天生无高低膊头)

sponsored

(真人经历)清明节前十后十日,真系唔好去荒山野岭

,我继续一路行一路讲细路仔唔识世界我哋走紧嫁啦放过我啦,边行脚系愈重,但心里面有把声一直叫我唔可以停,一停就大件事,我觉得只脚好重好重,好辛苦,但唔敢停,就系我就黎顶唔顺真系好想停既时候,见到有班人17.18岁左右大约10人行紧落黎,于是我见有人气就停左一阵,到佢地落左去我地就继续上去,一边上去一边心谂你地一定要小心d,因为佢地系一边播音乐(劲大声)一边we哇鬼叫咁行,我虽然都担心佢地,但我都自身难保,所以无劝佢地唔好去,我一方面惊人地以为我痴线,上到顶之后我开始呕开始呆睇野开始濛,当我男朋友系坐繫到,我企繫到面向佢,佢揽住我脚既,唔知大家明唔明咩姿势,我呕完之后开始喊我都喊唔知自己喊咩,我好清楚自己唔系惊到喊,因为如果我系惊到喊我一早就喊左,我当时獃獃滞滞听到车声就会将个头好慢咁望后,架车走左我又会转返个头返黎,其实我听到我男朋友同我讲野,但就好似我系水佢系池边同我讲野咁,完全听唔清,我既喊系眼泪滴出黎,但我个样系目无表情,我再一次听到架车就黎到,个一刻我竟然想冲出去,好彩男友当时揽住我脚,我先行唔到比佢喝一喝个人清醒返少少,但依然系咁流眼泪

sponsored

(真人经历)清明节前十后十日,真系唔好去荒山野岭

到我地call紧的士终于都到,我地都鬆一口气,一上到车我依然好獃滞,望出窗外一阵仍然对唔到焦,我依稀见到的士系想Uturn,有种感觉觉得好危险,闭上眼见到UTurn时我地比一架车撞到,(个到上落山各一条路,司机U个时会霸埋旁边条线)而旁边好多人望住我地,我即时吓到睁开眼,但咩事都无,的士成功转完湾,落紧山,个刻个种感觉其实好真实,我真系以为我玩完,但既然无事就当然最好拉,于是我打算闭目养神,一闭眼就见到一个我唔识既女人,但好似走马灯咁既,其实我睇唔清d内容,凈系突然觉得自己好惨既感觉,又继续系咁流眼泪,我自己都唔知发生咩事,就好似系我好惨咁,但又见唔到惨d咩,成个感觉好奇怪。

sponsored

一路返到屋企楼下3个都唔敢返屋企,于是三个坐系楼下,打算坐到天光先返去,一路坐我间唔中又喊下间唔中又发下呆,另外,豪仔同伟仔虽然都惊,但佢地完全无任何事,而我个种悲伤既感觉一路都繫到,一路喊唔停,其间我屋企附近有家人系养雪橇既,我有时坐楼下都会见到佢,佢主人好nice我地成日同啊橇(只狗名)玩,每次啊橇都会扑埋黎同我玩,但个晚啊橇见到我无扑埋黎,静系企繫到望住我,个样好疑惑咁,但佢又无吠,但啊橇黎左之后我系清醒左咁,但啊橇一走左我又开始黎料,断断续续又喊又呆终于等到天光,我都开始冷静落黎,我地经过商量都决定一齐去男朋友屋企训,以为一切都完结,点知一路无特别无徵兆既伟仔竟然........

(真人经历)清明节前十后十日,真系唔好去荒山野岭

sponsored

我地去到男朋友屋企因为太攰既关係就即刻沖凉洗头上床训,咁我同男朋友训,而伟仔就自己训下面铺地下,因为太惊原故唔敢关窗帘,训训下我突然感觉到有人拉左我只手一下,我即刻吓亲左,一开始以为系豪仔整古我,于是就问佢,你做咩无啦啦拉我?但佢无应到我继续训紧,我又以为系伟仔玩野,因为我男朋友屋企繫上格床,我训外面,如果佢企系下面拉我只手其实好容易同好合理,但我一望落去发现佢又系训紧,我个刻觉得好寒好奇怪,于是我细细声叫伟仔:喂,咪玩啦,系咪你拉我手?同样都系无回应,个一刻我已经训唔返,我将个身痴埋男朋友到,务求可以安心啲。

我冷静左个人之后就谂住试下继续训,点知一me埋眼又见到个女人,于是我即刻叫醒我男朋友,叫醒埋伟仔,打算一齐食早餐然后就出门去拜拜求个安心。

我地三个一齐出厅食完个早餐就入返房準备整野出去,突然我男朋友电话响出左厅到倾,由于我唔惯同其他异性共处一室,所以我都出埋厅搵豪仔,豪仔倾左一阵都未收线,我又闷闷地又惊伟仔一个会惊,所以就入房睇下佢,点知一入房见到伟仔关晒啲窗帘,个样又变到好似琴晚个样咁好恶,我个下sense唔到佢做咩,于是叫佢咪玩啦,一啲都唔好笑,但佢无应我,依家时候豪仔倾完电话入返黎,见到伟仔咁于是想强行拉开窗帘,点知伟仔拉实唔比开,个时其实下午4点几,重有阳光,我地都唔知点解会咁,个时凈系觉得咪玩啦,咁早边有d野嫁,唔好扮野喎,而且佢声又无变到(d人话鬼上身会连声都变埋),我地一路觉得佢系玩野,因为其实我地无依方面既经历,我只系从电影上面睇过,但佢个表情话比我地知唔似玩,于是我男朋友又将佢佛牌带去伟仔身上,希望可以赶走佢,点知带完上去伟仔笑一笑话:你以为依样野可以搞掂我?我地个刻都呆晒,心谂拍电影咩,我地谂唔到任何办法,唯有一个捉手一个捉脚,伟仔其实好细粒又好瘦,我155佢重矮我少少,而我男朋友就182左右,但我地2个禁住佢都好吃力,连佛牌都用埋都无用,我地真系好慌,又唔知有咩办法,于是豪仔打比我地一个朋友杰仔(一边用身体压住佢只脚一边打讲电话)个个朋友并唔系咩道士,只系一个普通人,

sponsored

(真人经历)清明节前十后十日,真系唔好去荒山野岭

但佢同样有佛牌,我唔记得佢个牌叫咩名,我地唯有一边死禁住佢一边希望杰仔快啲黎,终于等到杰仔黎到(男朋友屋企个姐姐开门比佢),杰仔一黎到拎个牌出黎,伟仔即刻唔敢望佢,系咁叫杰仔拎开个牌,佢唔想见到,一路讲一路挣扎,杰仔见个牌有用,就开口问,你到时想点?佢就话要带走伟仔,话伟仔照到佢骚扰到佢,个一刻我地个个一头雾水,谂左一阵,系一滩既伟仔话见到女人想问路于是搵电筒照(直至个刻我都唔信系真,我觉得系伟仔玩野,因为我觉得即使有鬼上身都无可能系光天化日挂,但都系唔到我地唔信,一个咁矮小既人竟然我同我男朋友都禁唔住)

杰仔问佢咁你想我地做d咩补偿你?伟仔话:唔得,我一定要带走佢,个时我地个个都呆晒,觉得即使真系骚扰到佢,即使伟仔真系时运咁低,都唔会咁严重要带走佢挂,我地无办法之下打左比男朋友妈咪,佢妈咪信天主教,佢妈咪一开始都系半信半疑,但为安全起见都赶左返黎,auntie一返黎见到咁既情况,即刻去拎本圣经,禁住伟仔个头念左几段圣经经文,期间伟仔一路叫唔好,但auntie无理到继续念,念左一段时间,伟仔就好似驱魔片啲人咁,个身好似拱桥咁,之后就清醒左(其实我虽然小学读天主教学校,但我一路都唔信有天父同耶苏,同埋我觉得点解件事好似好易解决左咁,同平时睇戏搞一大轮差咁远)我有谂过系咪伟仔见到长辈唔敢玩落去?

伟仔清醒返之后话唔见得发生咩事,记忆只繫到我同豪仔出左厅,我心态系半信半疑,之后auntie带左我地落去楼下d社区天主教堂门口(因为已经夜晚关左)叫我地跟佢读一段野,之后我地就各自返左屋企,返到屋企我同屋企人讲,佢地虽然都知道我有时会见到,但今次真系太不可思议,而我屋企人同样唔信天主教(无眨低天主教既意思,纯粹系个人唔相信)于是为求安心带左我去衣纸铺查日脚,衣纸铺个姨姨话,清明后三日就去埋d咁既地方,个到出名猛既,紧系有事啦,记住清明前十后十唔好去荒山野岭喇,讲完几句废话开始帮我查,有几句佢读左出黎既,但我最深刻个句系「孤魂野鬼来作怪」个心即刻离一离,于是买左d衣纸同烧肉饭同烧酒就系楼下个烧衣位拜一拜(个姨姨话唔洗去返个到拜)唔知繫心理作用定咩,拜完就感觉好左好多。

来源

上一篇: 下一篇:
相似文章